Fiskimenn brúka framvegis gamla sáttmálan

Hóast eingin sáttmáli hevur verið í langa tíð, mynstra fiskimenn framvegis eftir gamla sáttmálanum.

Formaðurin í Fiskimannafelagnum, Jan Højgaard, sigur, at felagið hevði væntað at frætt frá Reiðarafelagnum, men haðani er einki komið.

Hini manningarfeløgini longdu sáttmálarnar til apríl í ár.

Fiskimannafelagið longdi sín sáttmála til nýggjárs, tí felagið væntaði, at løgtingið avgreiddi fiskivinnunýskipanina í summar.

Men siðvenjan er at brúka gamla sáttmálan, til nýggjur er gjørdur, sigur Jan Højgaard.

Hann hevur fingið at vita frá Reiðarafelagnum, at felagið hevur ikki havt stundir til samráðingar, nú nýggj fiskivinnuskipan er gjørd.