Grønland einasta norðurland við minkandi fólkatali

19.02.2018 - 12:50
AktueltSamfelag
Grønland einasta norðurland við minkandi fólkatali
Nýggj frágreiðing frá Norðurlandaráðnum vísir, at flestu norðurlond uppliva vaksandi fólkatal. Bara í Grønlandi minkar fólkatalið
Mynd: www.norden.org  
 

Tann 8. februar kom árliga frágreiðingin hjá norðurlandaráðnum. Frágreiðingin, sum eitt nú hyggur eftir fólkatalinum í teim ymsu norðurlondunum, vísir á, at flestu norðurlond hava eitt vaksandi fólkatal. 

Frá 2007 til 2017 er fólkatalið voksið í flestu norðurlondum, og er hetta í flestu førum vegna meira tilflytarar sum til dømis í Danmark, Svøríki, Finlandi, Norra og Álandi. Sambært frágreiðingini er vaksandi fólkatalið eisini ein avleiðing av tí evropeisku flóttafólkakreppuni. 

Ísland hevur tó sum tað einasta norðurland ein fólkavøkstur, ið fyrst og fremst stendst av natúrligum vøkstri. Tað hava sostatt verið fleiri føðingar enn deyðsfall í Íslandi í tíðarskeiðinum, og talið av føðingum er tá eisini hægri enn talið av tilflytarum. 

Fólkatalið minkar í Grønlandi

Grønland hevur sum tað einasta norðurland eina afturgongd í fólkatalið í hesum tíðarskeiðnum, og er tað fyrst og fremst orsakað av burturflyting. 

Tað natúrliga fólkatalið í Grønlandið hevði tó voksið, tí eisini her eru fleiri føðingar enn deyðsføll. Men so nógv fólk flyta av landinum, at fólkatalið støðugt minkar.

Eisini Føroyar hevur mist íbúgvar, tí fólk flyta frá landinum. Natúrligi fólkavøksturin mótroknar tó burturflytingina í so stóran mun, at fólkatalið hóast hetta veksur. 

Myndin niðanfyri vísir gongdina.

Fýra afturvendandi rák

Sambært frágreiðingi síggjast fýra demografisk rák í norðurlondum. Fyrst og fremst gerast tað fleiri íbúgvar í norðurlondum orsakað av tilflytarum, og hesir tilflytarar búseta seg mest í stórum býum. Miðalaldurin á íbúgvunum veksur, og tað ger talið av íbúgvum við útlendskari ætt eisini.

Øll fýra rák væntast at halda fram tey næstu mongu árini. 

Les alla frágreiðinga frá norðurlandaráðnum her

Er kopiera
Nýggjastu sendingar í ÚV
Mánadag 28. november
Norðurljóð 28.november 2022
148509
Mánadag 28. november
Bolero 27. november 2022
148629
Mánadag 28. november
Rokk og ró 26. november 2022
148626
Mánadag 28. november
Sambandsflokkurin í Tinginum
148603
Nýggjastu sendingar í SV
Mánadag 28. november
Andglettur: Tjóðveldi
148653
Mánadag 28. november
Sambandsflokkurin í Tinginum
148600
Sunnudag 27. november
Valfundur í Salt á Drelnesi, Tvøroyri
148566
Sunnudag 27. november
Fyrsti sunnudagur í advent
148549
Fríggjadag 25. november
Andglettur: Miðflokkurin
148521