Kinesiski forsetin ávarar separistar

BBC endurgevur úr røðuni, har kinesiski forsetin segði, at "felags vónin hjá øllum kinesarum" er at gerast ein "fullkomin eind". Einhvør roynd at seta kílar millum fólkið "er dømd at miseydnast", segði forsetin.

Røðan var eisini ein ávaring til øll loysingarsinnað í tildømis Taiwan og Hong Kong.

Forsætisráðharrin, Li Keqiang segði annars á tíðindafundi, at Kina tekur sínar skyldur í álvara í altjóða samstarvi og samhandli.

Hann lovaði, at Kina fer at lata búskapin enn meira upp og "tryggja, at bæði útlendskar og kinesiskar fyritøkur" kunnu "kappast á jøvnum føti á stóra kinesiska marknaðinum".