Puigdemont slapp undan handtøku í Finnlandi

Fyrrverandi forsetin í Katalonia, Carles Puigdemont, er farin úr Finnlandi aftur. 

Sambært The Guardian eydnaðist tað Puigdemont at koma sær undan finska politinum, tá hann teir seinastu dagarnar vitjaði í Finnlandi fyri at samráðast við politikkarar. 

Evropeisk handtøkuboð eru á fyrrverandi forsetanum, sum tó ikki er í Finnlandi meira. Tað váttar sakførarin hjá Puigdemont.

Hann býr í útlegd í Belgia. Hann flýddi saman við fleiri av ráðharrunum til Belgia í fjør, tá hann saman við stjórnini í Katalonia varð koyrdur frá. 

Seinni sama dagin varð Puigdemont tó handtikið við markið millum Týskland og Danmark, tað váttaði sakførarin á Twitter. 

LES EISINI: Puigdemont handtikin