Norðurlond skulu ganga á odda móti avtalaðum spæli

13.04.2018 - 10:20
AktueltPengar
Norðurlond skulu ganga á odda móti avtalaðum spæli
Tað er boðskapurin frá nevndini fyri vitan og mentan á evnisfundinum hjá Norðurlandaráðnum í Íslandi, skrivar heimasíðan hjá Norðurlandaráðnum
 

Norðurlond skulu verða fyrsta øki í heiminum, sum arbeiðir ímóti matchfixing og avtalaðum spæli, sigur Norðurlandaráðið.

- Matchfixing er stórur trupulleiki kring allan heim, og tað er ósunn mentan innan ítróttina. Tí hevur tað týdning, at Norðurlandaráðið varpar ljós á hetta, so at Norðurlond ganga á odda og í felag gera tað torførari hjá teimum, sum matchfixa at flyta sítt virksemi til onnur lond, sigur Annette Lind frá sosialdemokratiska bólkinum.

Trupulleikin við avtalaðum spæli er kring allan heimin, og limirnir í nevndini vilja senda greið boð um, at Norðurlond mugu samstarva.

Arbeiða við fleiri møguleikum

Á fundinum á Akureyri týsdagin fekk uppskotið stuðul frá Norðurlendska Ráðharraráðnum.

Samstundis sum politiska tilgongdin heldur fram, hevur tað týdning, at Norðurlondini finna ymsar mátar at arbeiða fram móti loysnum. 

Í Svøríki er gongd longu komin á málið og har eru nýggj lógaruppskot, - millum annað um, at persónar, sum skipa fyri matchfixing og ávirka leikarar, skulu fáa strangari revsing - eisini persónar, sum gera sær dælt av møguleikanum at spæla í avtalaðum dystum. 

Betri eftirlit

Peter Johnsson, sum er limur í nevndini sigur, at samstundis, sum lóggávan verður herd, verður svenski happadráttar-spælimarknaðurin broyttur. Tað merkir millum annað, at aljóða happadráttafeløg skulu hava spæliloyvi, og tað fer í sjálvum sær at geva betri eftirlit við matchfixing.

Vónin er, at tiltøk og royndir, sum hesar, skulu kunna brúkast í øllum Norðurlondum, og á tann hátt skjótari bøta um støðuna.

- Nú Svøríki herðir lóggávuna í sambandi við matchfixing, vóni eg, at hini norðurlondini fáa íblástur og gera tað sama, sigur Peter Johnsson.

Altjóða Olympiska nevndin og ítróttarsambond í Norðurlondum hava tætt samstarv, tá tað snýr seg um reglugerðir, sum skulu galda í øllum Norðurlondum, - men nevndirnar leggja dent á, at almennu happadráttarfeløgini hava eisini týðandi leiklut við sínum skipanum, sum kunnu tryggja og menna eftirlitið við avtalaðum dystum. 

 

 

Sí eisini

Nýggjastu sendingar í ÚV
Mánadag 16. september
Norðurljóð 16.september 2019
98795
Mánadag 16. september
Morgunlestur mánadagur 16. september 2019
98623
Sunnudag 15. september
Vælgagnist
98759
Sunnudag 15. september
Guðstænasta í Norðskála kirkju
98750
Leygardag 14. september
Fiskivinnan: mín ringasta marra
98742
Nýggjastu sendingar í SV
Mánadag 16. september
Løgtingsvalið 2019
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andaktin
98749
Fríggjadag 13. september
Kaj Klein konsert í Maggies
98618