CO2 í lofthavinum slær met

Mátingar, ið eru gjørdar í oynni, Havaii, vísa, at innihaldið av koltvísúrevni setti met í apríl í ár.

Mátingarnar vístu eitt miðal innihald av koltvísúrevnismýlum í lofthavinum á 410 ppm. Tað er tað hægsta, man veit um seinastu 800.000 árini.

Miðal innihaldið av koltvísúrevnið seinastu 400.000 árini. (Størri mynd, trýst HER) (Mynd: climate.nasa.gov)

Kjanuboringar fara 800.000 ár aftur

Kjarnuboringar á Suður-pólinum vísa innihaldið av koltvísúrevni í lofthavinum 800.000 ár aftur í tíðina, men granskarar meta, at vit skulu heili 3,5 milliónir ár aftur í tíðina, áðrenn vit finna eitt tíðarskeið í jarðarinnar søgu, har koltvísúrevnisinnhaldið hevur verið so høgt. 

Tá var miðalhitin á jørðini eisini eini tvey – trý stig heitari, enn tað er í dag, og sjóvarmálin var um 25 metrar hægri. 

Sjálvt um árliga útlátið av koltvísúrevni er flata út, so veksur innihaldið av CO2 í lofthavinum (Størri mynd, trýst HER) (Mynd: Bogi Hansen)

Innihaldið veksur alsamt

Líka síðani 1958 hevur innihaldið av koltvísúrevnið verið mált á Havaii, og mátingarnar hava víst, at innihaldið av CO2 veksur alsamt.

Koltvísúrevnið í lofthavinum verður av mongum mett at vera orsøkin til, at miðalhitin á jørðini hækkar, tann sokallaða alheimsupphitingin. 

Kanningar vísa, at innihaldið av koltvísúrevni í lofthavinum og hitin á jørðini fylgjast (Størri mynd, trýst HER) (Mynd: Bogi Hansen)

Sendingin 25 minuttir við havfrøðingin Boga Hansen, har innihaldið av koltvísúrevni í lofthavinum verður umrøtt. Trýst HER

Kelda: Scripps Institution of Oceanography