Spógvin seldur

Freistin at bjóða upp á Spógvan var úti á middegi í gjár. 

Áhugin var ikki sørur fyri Spógvanum, men tá avtornaði vóru tveir eftir, sum kappbjóðaðu.

Vørn boðaði frá tíðliga seinnapartin týsdagin, at hægsta boð til tá var 325.000 krónur, men at enda varð Spógvin seldur fyri 380.000 krónur.

Spógvin er seldur til Havnar.

Spógvin varð lýstur til sølu tann 19. juli. Vørn brúkti ikki Spógvan, og tí varð hann seldur.

Spógvin varð bygdur í Danmark til Vaktar- og bjargingartænastuna í 1986. Talan er um ein glastrevjabát, og hann er góðar níggju metrar langur.

Spógvin varð seldur í tí standi, hann er í, og sum hann liggur við eina bátabrúgv í Havn. 

Hóast Spógvin ikki er brúktur í nógv ár, er hann hildin við líka øll árini, og hann hevur siglingarloyvi.