Kosovo vísti sína styrki

Kosovo vann 2-0 á Føroyum í kvøld, og tað var ruddiliga uppiborið.

Í fyrra hálvleiki fekk Kosovo tó lítið burtur úr, hóast teir høvdu bóltin nógv mest. 

Kosovo kom ikki til nakran veruligan málmøguleika í fyrra hálvleiki.

Føroyar høvdu eina roynd á málið hjá Kosovo, men frísparkið frá Brandi Olsen fór omanfyri málið.

Í seinna hálvleiki setti Kosovo leikferðina munandi upp, og tað skjótt úrslit.

Fyrst skoraði Arber Zeneli til 1-0, tá 49 minuttir vóru farnir, og tað gingu bara seks minuttir, so økti Atdhe Nuhiu til 2-0.

Eftir dystin segði landsliðsvenjarin hjá Føroyum, Lars Olsen, at liðið hjá honum tapti fyri einum væl sterkari liðið.

Hann segði eisini, at føroyska avrikið má verða frægari, tá Kosovo kemur til Føroyar í oktober, um ein føroyskur sigur skal koma í hús tá.

Í hinum dystinum í bólkinum spældu Malta og Aserbadjan javnleik, 1-1

Støðan í bólkinum

Í oktober spæla Føroyar tveir dystir á heimavølli.

11.oktober spæla Føroyar og Aserbadjan, og 14.oktober spæla Føroyar og Kosovo.