Trummudansur er andligur mentanararvur

Umsókin verður send vegna inuittar í øllum Arktis, skrivar grønlendska kringvaprið, knr.

Grønlendska landsstýrið avgjørdi fyrr í hesum mánaðinum at senda umsóknina um trummudansin til danska mentamálaráðið. 

Tað er grønlendska tjóðsavnið, sum hevur heitt á landsstýrið um at senda umsóknina, og tey fegnast vegna inuittar í øllum Arktis.

- Tey hava ikki sjálv møguleika at søkja, tí hvørki Kanada ella USA hava staðfest hendan altjóðasáttmálan. Tí hava vit í roynd og veru søkt vegna alt arktiska fólkið, sigur Kristine Møller, stjóri fyri andliga mentanararvin á grønlendska tjóðsavninum.

Men grønlendingar mugu brynja seg við toli. Unesco fer at viðgerða og avgreiða umsóknina í desember 2020.

Onnur dømi, sum eru komin á listan hjá Unesco yvir andligan mentanararv er eitt nú yoga, sum India søkti um í 2016, skrivar knr.gl.