Russiskt sinnaður flokkur vann valið í Lettlandi

ES-menningarflokkurin fekk 12 prosent, og teir meira fólksligu KPV LV og Nýggju Konservativu fingu sløk 28 prosent.

Hetta merkir, at flokkar, ið higartil hava hildið Samlagsflokkin uttanfyri, ikki longur hava nóg nógvar sessir til tess. 

Við sínum 19,8 prosentum kann Samlagsflokkurin skipa stjórn saman við nýggju, fólksligu flokkunum. Samlagsflokkurin fær 23 av 100 sessum, og Nýggju Konservativu og KPV LV fáa hvør sínar 16 sessir.

Gomlu stjórnarflokkarnir fingu 27 prosent av atkvøðunum við valið í gjár.

Lettland hevur mark til Russlands. Umleið ein fjórðingur av íbúgvunum hevur russiskt sum móðurmál.

Samlagsflokkurin hevur lovað, at Lettland framhaldandi skal vera í ES og NATO, og at landið eisini skal samstarva meira við grannan fyri eystan.

Valluttøkan var 54,6 prosent.