Norra biður um stuðul at basa fiskivinnubrotsverk

31.10.2018 - 15:55
AktueltÚtheimurin
Norra biður um stuðul at basa fiskivinnubrotsverk
Norski fiskimálaráðharrin biður nú Kyrrahavslond um at stuðla í stríðnum móti skipaðum ólógligum fiskiskapi
 

Harald Nesvik er á ráðstevnuni Our Ocean í Bali, og har var hansara boðskapur, at smáu oyggjasamfeløgini við stórum sjóøki eru sera viðkvom fyri skipaðum fiskivinnukriminaliteti.

- Havið er týðandi kelda til mat, arbeiðspláss og vælferð í Noregi, og tí er stríðið móti brotsverkum í fiskivinnuni so umráðandi fyri Noreg, segði Harald T. Nesvik sambært heimasíðuni hjá norska fiskimálaráðnum. Hann bjóðaði á ráðstevnuni ráðharrunum í Kyrrahavinum at samstarva um átakið.

Føroyar eru eisini við í hesum nýggja samstarvinum um at beina fyri ólógligari fiskiveiðu, og samstarvsavtala er gjørd.

Umframt Noreg og Føroyar eru Indonesia, Sri Lanka, Namibia, Gana, Sálomonsoyggar, Palau og Kiribati við í átakinum.

Sambært norska Fiskimálaráðnum er fimti hvør fiskur fiskaður ólógliga. Fiskað verður ólógliga fyri yvir 150 milliardir krónur um árið.

Serliga menningarlond kenna sviðan fiskivinnukriminalitetinum.

Harald T. Nesvik, fiskimálaráðharri sigur, at nú vil Noreg hava ST og lond í øllum heiminum við í stríðið móti skipaðum ólógligum fiskiskapi.

 
Nýggjastu sendingar í ÚV
Mikudag 16. oktober
Nón - 16. okt. 2019
99960
Mikudag 16. oktober
Áðrenn Elvis: Elligamal tónleikur
99951
Mikudag 16. oktober
LEITISSTEIN 14.10.2019 (1t)
99923
Mikudag 16. oktober
LEITISSTEIN 14.10.2019 (2t: GRACE 25 ÁR)
99922
Mikudag 16. oktober
Morgunlestur mikudagur 16. oktober 2019
99845
Nýggjastu sendingar í SV
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745
Mikudag 9. oktober
Fótbóltur: Føroyar - Norra (kvinnur)
99695