Kommunurnar kunnu læna tvær milliardir afturat

13.11.2018 - 08:02
AktueltPengar
Kommunurnar kunnu læna tvær milliardir afturat
Skuldin minkað nøkur hundrað prosent av inntøkunum
Kommunurnar eru væl fyri fíggjarliga, sigur Landsbankin.
 

Skuldin hjá kommununum í Føroyum er minkað nógv seinasta 25 árini.

Í 1993 skyldaðu kommunurnar hálvafjórðu ferð skattainntøkurnar, ella 367 prosent. 

Nú er skuldin 20 prosent.

31.desember í fjør skyldaðu kommunurnar 1,1 milliard krónur, men tær áttu 627 milliónir á bók.

Nettoskuldin var tí 481 milliónir krónur.

Tað sigur Landsbankin í frágreiðing um kommunubúskapin.

Væl fyri

Niðurstøðan er, at fíggjarliga eru kommunurnar væl fyri. Inntøkurnar vaksa skjótari enn skuldin.

Sambært lógini kann ein kommuna ikki skylda meiri enn eina árs skattainntøku. 

Tá skuldin 31.desember 2017 var 21 prosent av skattainntøkuni, merkir tað, at kommunurnar kunnu læna slakar tvær milliardir krónur afturat, uttan at raka loftið í lógini.

Nógv á bók

Kommurnar hava nógvar milliónir standandi í peningastovnunum, yvir 600, men Váðaráðið ger vart við, at innskjótaratrygdin, okkurt um 750.000 kr., er ikki galdandi fyri kommunurnar. 

Síðani kreppuna fyrst í 90-unum er rentubyrðan minkað nógv.

Landsbankin sigur, at í 1993 var rentan yvir 40 prosent av skattainntøkunum. Nú er hon minni enn fimm prosent.

Rentubyrðan er rentuútreiðslur minus rentuinntøkur roknað í mun til skattainntøkuna.

Er kopiera
Nýggjastu sendingar í ÚV
Mikudag 10. august
Morgunlestur mikudagur 10. august 2022
143008
Mikudag 10. august
LEITISSTEIN 09.08.2022 (Bjørt Lind)
143130
Týsdag 9. august
Botnstríðið harðnar
143083
Týsdag 9. august
Morgunlestur týsdagur 9.august 2022
143007
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750