Nógv at finnast at í landsrokskapinum aftur nú

15.11.2018 - 07:51
AktueltPolitikkur
Nógv at finnast at í landsrokskapinum aftur nú
Uppskot til samtyktar um landsroknskapin 2017 til viðgerðar í tinginum. Grannskoðarnir hava nógvar viðmerkingar
Løgtingið skal í dag viðgera roknskapin hjá landinum fyri 2017.
 

Nógvar viðmerkingar, átalur og áheitanir um at fáa viðurskiftini í rætt lag eru saman við uppskotinum til samtyktar frá løgtingsgrannskoðarunum, sum løgtingið fer at viðgera í dag.

Løgtingsgrannskoðarnir biðja løgtingið góðkenna landsroknskapin fyri 2017.

Men tað er ikki treytaleyst. 

Løgtingið er biðið um at góðkenna roknskapin við viðmerkingum, átalum og áheitanum um at fáa viðurskifti í rættlag, sum Landsgrannskoðanin, privatir grannskoðarar og løgtingsgrannskoðararnir vísa á.

Ikki tiknar í álvara

Víst verður serliga á, at týðandi játtanarreglur verða ikki tiknar í álvara, at Fróðskaparsetrið hevur bókað eina millión kr. í húsaleigu fyri 2017 í fíggjarárinum 2018, at Umhvørvisstovan hevur bókað útreiðslur á Ferð á grøna orku, uttan at vøra ella tænasta er fingin afturfyri í fíggjarárinum, og at fíggingarleisturin í sambandi við Orkutøk brýtur grundleggjandi reglur í játtanarlógini og roknskaparlógini.

Víst verður eisini á, at Landsverk skuldarbindur landið við langtíðarleigumáli, sum kemur í staðin fyri keyp, at síðani 2012 hevur verið ógreitt, um avlop av óbrúktari játtan hjá Granskingargrunninum skal fella aftur til landskassan, at landsstýrismaðurin í samferðslumálum ikki tekur støðu til viðurskiftini, sum Landsgrannskoðanin hevur víst á í sambandi við asfaltverkið á Sundi, og at fyrivarni verður tikið í roknskapinum hjá viðgerð uttanlands hjá Landsjúkrahúsinum. 

Nógv er at finnast at í landsroknskapinum, og uppskotið til samtyktar hjá løgtingsgrannskoðarunum er 13 síður.

Nøkur viðurskifti venda aftur ár eftir ár.
 

Er kopiera
Nýggjastu sendingar í ÚV
Hósdag 7. juli
Summarmorgun 070722
141932
Hósdag 7. juli
Morgunlestur hósdagur 7. juli 2022
141655
Mikudag 6. juli
Summarmorgun 060722
141897
Mikudag 6. juli
Morgunlestur mikudagur 6. juli 2022
141654
Týsdag 5. juli
Pápi mín og eg: Vanja og Victor
141841
Nýggjastu sendingar í SV
Mikudag 6. juli
Úr savninum: Urtagarðurin (1:8)
141924
Mánadag 4. juli
3-2
141831
Fríggjadag 1. juli
Jól í tónleikinum
141718
Mánadag 27. juni
Úr savninum: Urtagarðurin 10:10
141574