Kungerðin um uppboðssøluna á Flemish Cap er gjørd

Uppskot um kungerðina um uppboðssøluna um rættin at fiska á Flemish Cap í ár er gjørt og sent Fiskivinnuráðnum.

Ætlanin er, at uppboðssølan verður, meðan línuskipini eru á Flemish Cap, upplýsir Fiskimálaráðið.

Ætlanin er eisini, at bara línuskipini kunnu bjóða á uppboðssøluni.

Føroyski fiskiskapurin á Flemish Cap kann byrja í morgin, 10.januar.

Toskakvotan á Flemish Cap í ár er 3.911 tons tilsamans.

Tað er felagskvota.

1.276 tons skulu seljast á uppboðssølu. 

Fiskivinnuráðið hevur fund í morgin um uppboðssøluna á Flemish Cap.