15 fólk handtikin í matchfixing-máli

11.01.2019 - 10:18
AktueltÚtheimurin
15 fólk handtikin í matchfixing-máli
Løgreglan í Spania hevur handtikð 15 persónar í einum máli um avtalað spæl, sokallað matchfixing, í tennis
 
 

Handtøkurnar vórðu gjørdar í samstarvi millum Europol, sponsku løgregluna og hægsta rætt í Spania. Tað sigur Europol í tíðindaskrivi.

Borgaraverjan í Spania sigur, at 83 fólk eru partur av netverki, teirra millum eru 28 tennisspælarar, og hesi hava avgjørt í minsta lagi 97 dystir í tennis. Soleiðis hava tey forvunnið milliónir av krónum.

Teir 28 eru professionellir tennisspælarar, og ein teirra var við í US-Open kappingini seinast, sigur Europol.

Ólógliga veddingin fyri avtalaðar dystir hevur verið í Challenger og Future-kappingunum, sum eru á næst- og triðhægsta stigi innan tennis-ítróttin. 

Svikið er skipað soleiðis, at kriminell spælinetverk hava mutrað leikarar til at fáa ávís úrslit, og netverkið hevur síðani brúkt fleiri túsund identitetir til at vedda um hesar dystir.

Brotsmannalið í Armenia stýra netverkinum, og aðrir armenar vórðu sendir til dystirnar fyri at tryggja, at mutraði tennisleikarin helt avtaluna um úrslitið.

Og tá tað var staðfest, vórðu boð givin til onnur í bólkinum um at vedda uppá tað úrslitið.

11 húsarannsóknir hava verið í Spania, og hald er m.a. lagt á 167.000 evrur í reiðum peningi, eina byrsu, kredittkort, fimm luksusbilar og nógv skjøl.

Eisini eru 42 bankakontur stongdar, skrivar Europol.

Nýggjastu sendingar í ÚV
Fríggjadag 18. januar
Bolero 13. jan. 2019
90124
Fríggjadag 18. januar
Góðan morgun Føroyar 180119
90111
Fríggjadag 18. januar
Morgunlestur fríggjadagur 18. januar 2019
89871
Hósdag 17. januar
Nón - hósdagur 17.01.19
90085
Nýggjastu sendingar í SV
Hósdag 17. januar
HAS#TAG: Ungdómslívið (1:4)
90053
Hósdag 17. januar
Hassans hendur (2:4)
90024
Hósdag 17. januar
Bóndin (2:7)
89919
Mikudag 16. januar
Úr savninum: Føroyskt bátasmíð
90005
Mikudag 16. januar
Team Bachstad á ferð (3:6)
90014