Sigmund gjørdist nummar trý

23 ára gamli Sigmund Tróndheim luttók í kvøld við sanginum Say My Name í danska Melodi Grand Prixnum.

Veddingarfyritøkurnar søgdu undan sangkappingini, at Sigmund fór at enda millum tey aftastu, men tá fyrsta sms-atkvøðugreiðslan var tald upp, var sangur nummar fimm, Say My Name hjá Sigmundi, fyrsti sangur, ið kom víðari í finaluumfarið.

So skuldi syngjast av nýggjum og tá atkvøður og dómsnevnd høvdu talað, gjørdist vinnarin Leonora við sanginum Love is Forever.

Nummar tvey vóru grønlendsku Julie Berthelsen og Kina Kreutzmann við sanginum League of Light, meðan Sigmund gjørdist nummar trý.