Tubbaksfyritøkur dømdar at gjalda 81 mia. kr.

02.03.2019 - 15:07
AktueltÚtheimurin
Tubbaksfyritøkur dømdar at gjalda 81 mia. kr.
100.000 roykjarar og fyrrverandi roykjarar í Kanada hava fingið viðhald frá einum kærudómstóli
 

Ein kærudómstólur í Kanada hevur staðfest ein dóm móti fleiri tubbaksfeløgum, sum skulu gjalda umleið 81 milliardir krónur í okkara peningi í endurgjaldi til roykjarar, tí teir vórðu ikki ávaraðir um heilsuvandan av royking.

Tað skrivar franska tíðindastovan, AFP.

Endurgjaldið verður latið umleið 100.000 roykjarum og fyrrverandi roykjarum í kanadiska landspartinum Quebec, sum høvdu stevnt.

Tey siga, at tubbaksfeløgini hava vitað síðani fimmtiárini, at royking er heilsuskaðilig og kann elva til krabbamein, uttan at hava ávarað brúkararnar um tað.

Summi av teimum, sum høvdu stevnt, hava roykt síðani sekstiárini.

Gamalt mál

Málið varð upprunaliga reist í kanadisku rættarskipanini í 1998.

Í 2015 vóru tubbaksfeløgini dømd at gjalda 74 milliardir krónur í endurgjaldi. Síðani eru sjey millardir krónur lagdar aftrat í rentu.

Advokatarnir hjá teimum stevndu eru væl nøgdir við dómin, men tubbaksfeløgini siga, at roykjararnir vistu, hvørjar avleiðingar royking kann hava fyri heilsuna.

Tubbaksfeløgini hava møguleika at kæra dómin til hægstarætt. Freistin at kæra er ein mánaður. 

Er kopiera
Nýggjastu sendingar í ÚV
Nýggjastu sendingar í SV
Hósdag 6. oktober
Flóttafólk 1:2
145866
Mikudag 5. oktober
Úr savninum: Soleiðis liva tey enn 2:2
145847
Sunnudag 2. oktober
Úr savninum: Staksmentan í besta blóma
145663
Sunnudag 2. oktober
Andakt við Høgna Johannesen
145656
Sunnudag 2. oktober
Guðstænasta í Kvívíkar kirkju
145660