11 tiltøk til at avmarka plastdálking

23.03.2019 - 15:03
AktueltUmhvørvi
11 tiltøk til at avmarka plastdálking
Pant, størri endurnýtsla og upplýsing eru trý av 11 tilmælum frá Umhvørvisstovuni, sum skulu avmarka plastdálkingina í náttúruni
Savnsmynd
 

Pant fyri øll einnýtisíløt til leskidrykkir, størri endurnýtsla, upplýsing, kunngerð um graslíkisvøllir, speingileidningar og stuðul til havnir og skip, sum taka rusk úr sjónum.

Heilsu- og innlendismálaráðið hevur fingið 11 tilmæli frá Umhvørvisstovuni um at minka dálkandi plast í náttúruni.

Landsstýriskvinnan í umhvørvismálum, Sirið Stenberg, heitti í fjør á Umhvørvisstovuna um at koma við uppskotum um tiltøk til at avmarka dálking við plasti. 

Umhvørvisstovan mælir millum annað til at geva pengar fyri fleiri einnýtisíløt til leskidrykkir enn nú verður gjørt og at endurnýta plast nógv meira enn nú verður gjørt.

Kunngerðin má dagførast

Kunngerðin frá 1995 um burturkast eigur at verða endurskoðað. Og ein kunngerð skal gerast um graslíkisvøllir, tí í teimum er nógv mikroplast.

Umhvørvisstovan mælir eisini til upplýsa um plast og dálking, eitt nú í skúlum, og leggja avgjald á beriposar úr plasti.

Tilmæli er um at seta forboð fyri høglskálum, borðbúnaði úr plasti og smyrsli við mikroplasti.

Mælt verður til at stuðul verður latin havnum og skipum, sum taka rusk úr sjónum. 

Og tiltøk eiga at forða fyri, at leivdir av spreingileidningum fara í náttúrna ella á sjógv.

Er kopiera
Nýggjastu sendingar í ÚV
Hósdag 8. desember
LEITISSTEIN 06.12.2022
149084
Mikudag 7. desember
Góðan morgun Føroyar 07. desember 2022
149052
Mikudag 7. desember
Morgunlestur mikudagur 7. desember 2022
148411
Týsdag 6. desember
Framsókn í Tinginum
149004
Nýggjastu sendingar í SV
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753
Mánadag 5. desember
Val kring landið - Setrið í Havn
148951