H71 bukaði Neistan

Nú stendur á jøvnum millum Neistan og H71 í FM-finalusigrum.

Eftir at hava tapt fyri Neistanum sunnukvøldið, komu hoyvíkingar sterkt aftur í kvøld og vunnu sannførandi.

H71 vann við heili níggju málum, 23-32. Hálvleiksstøðan var 12-16 til H71.

H71 hevði stóran part av dystinum mansverju á Rasmus Søby, og tað ørkymlaði álopsspælið hjá Neistanum.

Í H71-álopinum var bakkurin, Hilmar Leon Jakobsen sera eyðsýndur í dag. Hann bleiv toppskjútti í dystinum við níggju málum.

Nú stendur á jøvnum, 1-1 í finalusigrum. Spælt verður til annað liðið hevur tryggjað sær tríggjar finalusigrar.

Triðja FM-finalan verður spæld í Hoyvíkshøllini skírisdag, 18.apríl