Ávara staðiliga móti yvirtøku

Men tá tað nú kortini verður gjørt á ólavssøku næsta ár, er ógvuliga týdningarmikið og grundleggandi, at yvirtøkan ikki fær neiligar avleiðingar fyri føroyska sjóvinnu, siga reiðararnir.

Reiðarafelagið fyri handilsskip hevur gjørt Uttanlandsnevndina hjá løgtinginum varuga við hetta.

Ikki lættari, tá sjórætturin er yvirtikin

Í brævi til nevndina, sum hevur málið um yvirtøkuna í løtuni, sigur felagið, at tað er løgið, at uppskotið fyrst verður lagt fyri løgtingið, áðrenn avleiðingar og tillagingar verða lýstar.

Reiðarafelagið sigur, at longu sum er hava føroyskir myndugleikar torført við at finna neyðuga orku til altjóða sáttmálar um sjóvinnu og arbeiðið við teimum. 

Tað verður avgjørt ikki lættari, tá sjórætturin er yvirtikin, sigur Reiðarafelagið fyri handilsskip.