Føroyar javnaðu í síðsta sekundi

Tað endaði eisini við javnleiki í seinna venjingadystinum millum Litava og Føroyar. Dysturin í dag endaði við 1-1 javnleiki.

Eftir málleysan fyrra hálvleik, kom Litava á odda í 72. minutti. 

Í allarseinastu sekundunum fekk føroyska liðið horna, sum var sent væl innfyri. Inn í øllum trunkanum fekk Birita Bergsdóttir Nielsen fótin á bóltin, og so var 1-1. Dómarin góðkendi málið, og so bleiv floytað av.

Litava og Føroyar spældu eisini venjingardyst sunnudagin, tá bleiv úrslitið 2-2. Heidi Sevdal skoraði bæði tey føroysku málini.

Venjingardystirnir eru liður í fyrireikingini til komandi EM-undankappingina.

Føroyar í bólki saman við Noregi, Wales, Hvítarusslandi og Norðurírlandi.

Fyrsti dystur er 29. august á heimavølli móti Wales.