Slapp ikki av við fiskamjøl í Turkalandi

Havsbrún sendi 80 tons av fiskamjøli í fýra bingjum til Turklands. Men fiskamjølið er komið aftur til Fuglafjarðar.

Odd Eliasen, stjóri á Havsbrún, sigur, at keyparin í Turkalandi kundi ikki gjalda fyri fiskamjølið, so tað varð ikki útflýggjað.

Sum støðan er í Turkalandi, gjørdi Havsbrún av at taka mjølið heim aftur. Sambært fríhandilssáttmálanum er eingin tollur á fiskamjøli í Turkalandi.