Almennir pengar stimbra vitan um aling

Almennir pengar gera, at Føroyar fáa meira at vita um aling.

P/f Fiskaaling hevur havt aðalfund.

Vinnumálaráðið sigur, at fíggjarliga grundarlagið hjá Fiskaaling er árliga játtanini í fíggjarlógini til havbúnaðarroyndir. 

Hendan almenna játtanin tryggjar, at Fiskaaling heilt ella lutvíst hevur møguleika at fíggja verkætlanir, sum geva okkum vitan um aling. 

Afturat almennu pengunum eru inntøkur frá ymiskum tænastum, sum Fiskaaling veitir føroysku alivinnuna, og altjóða stuðul í sambandi við ymiskar granskingarverkætlanir.

Fyrsta árið

2018 var fyrsta árið í nýggja granskingarsáttmálanum millum Fiskaaling og Uttanríkis- og Vinnumálaráðið. 

Sáttmálin er galdandi árini 2018-2020.

Fiskaaling hevði 11 granskingarverkætlanir í fjør, og harafturat hevði felagið slakar 30 tænastu- og ráðgevingaruppgávur.

P/f Fiskaaling, sum landið eigur, hevði tvær milliónir krónur í vinningi í fjør.