Sjóborg siglt á oljuboripall

Veitingarskipið Sjóborg hjá Skansi Offshore, sigldi í nátt á oljuboripallin Statfjord A í Norðsjónum, skrivar orkufelagið Equinor í tíðindaskrivi.

Sjóborg er nú á veg til Noregs. 276 fólk vóru á Statfjord A, tá óhappið hendi. Fólkini verða nú flutt til aðrar pallar í Norðsjónum.

12 mans við skipinum

Sjóborg arbeiddi við Statfjord A, tá óhappið hendi klokkan knappliga eitt okkara tíð í nátt. 12 mans eru við Sjóborg. Skaðin, sum Statfjord A fekk, verður nú kannaður.

Jens Meinhard Rasmussen, stjóri á Skansi Offshore, sigur at enn vita tey ikki hví skaðin er hendur, men at tað verður farið undir at kanna nú.

Hoyr meira í samrøðuni við stjóran á Skansi Offshore, sum var í útvarpstíðindunum klokkan 8 í morgun, her.