Færri laksalýs loyvdar næsta ár

Uttanríkis- og vinnumálaráðið hevur sent til hoyingar broytingar í kunngerðini um yvirvøku og tálming av lúsum á alifiski.

Sambært galdandi kunngerð er Markvirðið í hvørjum aliøki hálvonnur vaksin kvennlús.

1. juni næsta ár verður hetta markvirðið lækkað niður í eina vaksna kvennlús, og 1.juni 2012 niður í hálva vaksnu kvennlús.

Klippini færri

Kunngerðin verðu eisini herd viðvíkjandi klippum. Verður farið upp um markvirðið fyri laksalýs fær alari klipp.

Sambært kunngerðini, sum kom í 2016, fær alibrúk eisini klipp fyri heilivágin, sum verður brúktur at gera av við lýsnar.

Alibrúk, sum nú kunnu hava tíggju klipp, fara, tá broytta kunngerðin er komin i gildi, bara at kunna hava átta klipp, áðrenn smolt-talið ikki skal hækka, ella tað skal lækka.

Hægstamarkið, sum nú er 20 klipp, lækkar niður í 16 klipp.