Møta Georgia og Ísrael í dag

Føroyska U17 landsliðið í hondbólti spælir tveir dystir í dag, sum eru teir síðstu í innleiðandi bólkaspælinum í European Open í Gøteborg.

Klokkan 09.45 spæla Føroyar og Georgia, og seinnapartin klokkan 15:30 skulu Føroyar spæla ímóti Ísrael.

Dystirnir verða avgerandi fyri, um Føroyar megna at halda sær á fyrsta plássi í Bólki C.

Nummar eitt og tvey í innleiðandi bólkunum fara víðari.

Síðani verður nýggjur bólkur spældur. Nummar eitt og tvey í bólki C møta nummar eitt og tvey í bólki D.

Í løtuni er Ungarn oddalið í bólki D við seks stigum, meðan Hvítarussland og Slovakia hava fýra stig.

Tað er greiður fyrimunur at vinna innleiðandi bólkin, tí nummar eitt fær tvey stig við sær í nýggja bólkin, meðan nummar tvey einki fær við sær.

Bólkavinnararnir í nýggju bólkunum fara víðari í finaluna.

Støðan í Bólki C