- Tíðindi, mentan og ítróttur
U17 landsliðið tapti tepurt fyri Ísrael
![](https://kvf.fo/sites/default/files/styles/grein-ovasta-mynd/public/haralds.jpg?itok=WjhDM67q)
Føroyska U17 landsliðið tapti fyri løtu síðan sín fyrsta dyst í European Open í Gøteborg.
Ísrael vann 18-16. Hálvleiksstøðan var 10-8 til Føroyar.
Toppskjútti hjá Føroyum bleiv Rói Ellefsen á Skipagøtu við fimm málum.
Undan dystinum var greitt, at tað var ikki stórvegis upp á spæl, tí Føroyar høvdu tryggjað sær fyrsta plássið, meðan Ísrael ikki kundi koma víðari.
Hetta merkti eisini dystin. Eitt nú gjørdi føroyska venjaratoymið nógvar útskiftingar á liðnum.
Pauli Jacobsen, Pauli Mittún, Hákun West av Teigum og Elias á Skipagøtu, sum hava verið mest eyðsýndu spælararnir hjá Føroyum í kappingini, vóru ikki á vøllinum.
Føroyar endaðu ovast í Bólki C, og fáa tí tvey stig við sær í miðumfarið, har Føroyar skulu spæla ímóti Hvítarusslandi, Slovakia og Spania. Vinnarin av bólkinum fer í finaluna.
Tað er ikki stórvegis tíð til hvíld, tí føroysku spælararnir skulu spæla tveir dystir í morgin.
Føroyar spæla ímóti Ungarn, sum bleiv nummar tvey í bólki D, klokkan 09.30. Og klokkan 14.45 spæla Føroyar ímóti Hvítarusslandi, sum vann bólk D.