Somu kajakkrógvarar sum í síðstu viku

Kajakkrógvararnir, sum settu upp á Víkum á Vágum í gjár, eru teir somu, sum komu í neyð norðan fyri Enniberg í síðstu viku.

Ringt samband er á Víkum, har er til dømis einki fartelefonsamband, men kajakkrógvararnir eru væl útgjørdir. MRCC fekk boðini um teir úr USA kl.12.20 í gjár.

Silja Star var fyrst hjá kajakkunum, men fekk ikki farið heilt inn.

Bjargingarbáturin Sverri kom síðani á staðið. Fyrst varð farið á Oyrargjógv við einum manni, sum hevði fingið onkran skaða.

Somu fólk

Sjúkrabilur bíðaði eftir honum á Oyrargjógv.

Síðani fór Sverri aftur á Víkar eftir teimum átta rógvarunum og kajakkunum og fór við teimum til Miðvágs.

Kajakkrógvararnir, kvinnur og menn, eru úr Ísrael og tilkomin fólk, millum 40 og 60 ár.

Bjarginartiltakað í gjár vardi í tveir tímar og 40 minuttir.