Enn rok um flogvøll

Fíggjarnevndin í Grønlandi vil hava meira at vita um avtaluna, sum Kal-aal-lit Airports og Munck-samtakið hava gjørt. Fær nevndin ikki tað, vil hon hava undirskrivingina steðgaða, skrivar KNR. 

Flokkurin Siumut vil hava meira at vita um avtaluna um byggingina, sum Munck-samtakið skal gera. Siumut hevur tríggjar limir í fíggjarnevndini.

Trý tilboð komu

Í nevndini eru sjey fólk. Meirilutin í nevndini vil hava byggisáttmálan útsettan, tí fíggjarliga grundarlagið er ov veikt til at skriva undir. 

Trý tilboð komu upp á at byggja flogvøllirnar í Grønlandi. Hini vóru úr Hollandi og Kanada. Sáttmálin skuldi annars undirskrivast í morgin.

Ætlanin er, at báðir flogvøllirnir verða lidnir í senn. Og ætlanin er, at tað verður í fjórða ársfjórðingi í 2023.

Fingið nógva umrøðu

Nógv politisk umrøða var um flogvallarbyggingina í Grønlandi. Fíggingin fekk danir at rópa varskó, tí kinesarar buðu sær til bæði at byggja og fíggja flogvøllirnar í Grønlandi.

Danska stjórnin helt tað vera betri, at fíggingin er donsk. Kinesarar fóru seinni heilt burtur úr verkætlanini.

Fyrst í juni boðaði kinesiska statsfyritøkan CCCC, sum var millum tey undangóðkendu, frá, at hon bjóðaði ikki upp á flogvøllirnar í Grønlandi.