Upprudding kostar 15 milliardir

15.08.2019 - 17:19
AktueltÚtheimurin
Upprudding kostar 15 milliardir
Norska stjórnin hevur ætlanir um, at rudda kjarnorkuovnarnar í Kjeller og Halden
Tað er at kosta 15 milliardir og taka fleiri ár, at rudda tveir kjarnorkuovnar í Norra
Mynd: © Savnsmynd (NRK)  
 

Í fjør og í ár hevur norska Institutt for energiteknikk avgjørt, at ovnarnir ikki skulu brúkast meira, og sostatt er nógv, ið skal ruddast. Ruddingin fer at taka fleiri ár, skrivar norska Føði- og fiskimálaráðið.

Teir báðir kjarnorkuovnarnir hava havt ein týðandi leiklut fyri Norra, men nú verða teir burturbeindir, og tað fer bæði við nógvari tíð og pengum.

– Vit mugu finna tvørpolitiskar og langtíðarloysnir, sigur Torbjørn Isaksen, sum er føði- og fiskimálaráðharri í Norra. 

Kostnaðurin mettur til 15 milliardir

Uppskotið um uppruddingina skal leggjast fyri norska Stórtingið í 2020. Og í uppskotinum skal standa, júst hvussu uppruddingin skal fara fram.

Fyribils útrokningar vísa, at tað fer at kosta einar 15 milliardir norskar krónur at rudda alt kjarnorkuburturkastið. Nýggjar støðir og goymslur mugu byggjast til endamálið.

Harafturat skal kjarnorkubrennievni viðgerðast, áðrenn farið verður í gongd við at burturbeina tað. Norska stjórnin hevur seinastu fýra árini brúkt 722 milliónir krónur uppá kjarnorkuovnarnar.

 
Nýggjastu sendingar í ÚV
Mikudag 26. februar
Nón 26. februar 2020
105314
Mikudag 26. februar
Áðrenn Elvis: Morgun
105332
Nýggjastu sendingar í SV
Mikudag 26. februar
Úr savninum: Ymisk lív
105296
Mánadag 24. februar
Upp á gólv - í Skálanum
105214
Mánadag 24. februar
3-2
105221
Sunnudag 23. februar
Andakt við Carsten Fonsdal Mikkelsen
105169
Sunnudag 23. februar
Guðstænasta í Miðvágs kirkju
105167