Náttúrueldarnir næstan sløktir

17.08.2019 - 14:51
AktueltÚtheimurin
Náttúrueldarnir næstan sløktir
Arbeiðið, at basa náttúrueldunum í Grønlandi, verður helst liðugt í morgin
 

Náttúrueldarnir í Grønlandi, sum hava logað síðani fyrst í juli mánað, eru næstan sløktir nú.

Týsdagin vórðu 38 sløkkiliðsfólk flogin úr Danmark til Grønlands í royndini at basa eldunum, sum varð væntað, fór at taka 14 dagar.

Væntandi liðugt í morgin

Men longu í dag sæst ein endi á sløkkiarbeiðinum, sigur sløkkiliðsstjórin, Stig Hammerhøj, sambært tíðindastovuni hjá Ritzau, skrivar Sermitsiaq.

Vit eru tætt við, at hava sløkt eldarnir, og vit vænta, at hetta verður liðugt í morgin, sigur sløkkiliðsstjórin sambært tíðindastovuni.

Tey donsku sløkkiliðsfólkini hava hjálpt til við, at basa eldinum, sum hevur brent undir jørð á torvheiðunum millum Sisimiut og Kangerlussuaq í Vesturgrønlandi. 

Tríggjar milliónir játtaðar

Tað fer væntandi at taka eina viku, at pakka útgerðina niður og rigga av aftur, tá eldurin væntandi er bastur í morgin, sigur sløkkiliðsstjórin.

Náttúrueldarnir í Grønlandi kyknaðu nærhendis Sisimiut 8. juli. Sambært grønlendsku løgregluni var tað ein roykiovnur, sum var orsøk til, at náttúrueldarnir kyknaðu.

Danski tilbúgvingarstovnurin játtaði tríggjar milliónir krónur, so donsk sløkkiliðsfólk kundu hjálpa til, at basa eldunum í Grønlandi.

 
Nýggjastu sendingar í ÚV
Mikudag 12. august
Summartímin mikudagin 12. august
112258
Mikudag 12. august
Góðan morgun Føroyar 12.08.2020
112235
Týsdag 11. august
Tá makrelurin broytti Føroyar (2:6)
112157
Týsdag 11. august
Summartímin týsdagin 11. august
112208
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807