Finna eina skjóta loysn

22.08.2019 - 09:10
AktueltÚtheimurin
Finna eina skjóta loysn
Boris Johnson hevur fingið 30 dagar at koma við uppskotum um, hvussu spurningurin um markið millum Norðurírland og Írland kann loysast
Mynd: © AP  
 

Týski samveldiskanslarin, Angela Merkel, nevnir nú møguleikan fyri at finna eina skjóta loysn á spurninginum um markið millum Norðurírland og Írland í sambandi við Brexit.

Tað hevur verið sagt, at vit fara at finna eina loysn um eini tvey ár. Men vit kunnu eisini finna eina loysn næstu 30 dagarnar, segði Angela Merkel á tíðindafundinum, sum hon og Boris Johnson hildu eftir fundin. 

Bretski forsætisráðharrin, Boris Johnson, vitjaði Merkel í Berlin í gjár. Boris Johnson váttar, at hann hevur fingið 30 dagar at koma við uppskotum um, hvussu spurningurin um markið kann loysast.

Samráðast ikki meira við Bretland

Avtalan, sum Theresa May, fyrrverandi forsætisráðharri, gjørdi við ES, sigur, at markið millum Norðurírland, sum hoyrir til Bretland, og ES-landið Írland skal vera opið, til Bretland hevur gjørt eina handilsavtalu við ES.

Men tey, sum finnast at hesi regluni, teirra millum Boris Johnson, stúra fyri, Bretland noyðist at ganga undir ES-treytir í óásetta tíð, og tí eigur reglan um markið at verða strikað.

ES hevur gjørt greitt, at samráðst verður ikki meira við Bretland um Brexit, og bretski forsætisráðharrin hevur sagt, at Bretland fer úr ES 31. oktober, sama um nøkur avtala verður gjørd ella ikki.

Í dag fer Boris Johnson at hitta franska forsetan, Emmanuel Macron.

 
Nýggjastu sendingar í ÚV
Hósdag 19. september
Nón - 19. september 2019
98928
Hósdag 19. september
Mono: Filmstónar - Snjóhvíta
98917
Hósdag 19. september
'Rileysjon og rileyda'
98903
Hósdag 19. september
Alzheimerguðstænasta úr Christianskirkjuni
98887
Nýggjastu sendingar í SV
Mánadag 16. september
Móttøka í Tinganesi
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andakt við Randi Froyseth
98749
Fríggjadag 13. september
Kaj Klein konsert í Maggies
98618