Lars Løkke lagt frá sær sum formaður fyri Vinstra

Tað hevur verið ruðuleikakent í danska vinstraflokkinum eina tíð og í dag boðar Lars Løkke Rasmussen frá, at hann leggur frá sær sum formaður.

- Tað er av týdningi at virða seg sjálvan - eg kann ikki vera formaður í einum flokki, har eg ikki sleppi at tosa um og troyta ta politisku kósina, eg havi lagt. Takk fyri nógv góð ár.

Skrivar Lars Løkke Rasmussen á twitter.

Flokksleiðslan umrøddi í gjár trupulleikarnar, sum hava verið í flokkinum seinastu tíðina, og á fundi í dag skuldi politiska støðan umrøðast. Men fimm korter seinni varð boðað frá, at Løkke var farin av fundinum, og hann skrivaði altso á twitter stutt eftir, at hann ikki longur er formaður fyri Vinstra. 

Men flokkurin skal ikki bara hava nýggjan formann. Christian Jensen, sum hevur verið næstformaður í flokkinum hevur eisini lagt frá sær, skrivaði hann á twitter fyri løtu síðani.