Eini 1.000 fólk rudda Føroyar

21.09.2019 - 15:52
AktueltUmhvørvi
Eini 1.000 fólk rudda Føroyar
Stóra átakið "Rudda Føroyar" er á skránni. Yvirskipaða endamálið er at fáa ein reinan og sunnan, ruskleysan heim
 

Okkurt um 1000 føroyingar eru úti í náttúruni og rudda í góðveðrinum ídag. Tað metir Ása Jóhanna Pólsdóttir, sum er ein av høvuðssamskiparunum í "Rudda Føroyar" verkætlanini. 

Rudda Føroyar er partur av einum altjóða ruddingardegi, sum fer fram samstundis í nógvum av heimsins londum. Í fjør ruddaðu útvið 18 milliónir fólk í tilsamans 157 londum.

Í fjør var eisini fyrsta árið, at Føroyar vóru við í hesum altjóða ruddingardegi, og tá ruddaðu føroyingar tilsamans 22 tons av burturkasti úr náttúruni.

Rudda Føroyar átakið hevur samskiparar á flestu støðum. Men til ber eisini at rudda í grannaløgum og aðrastaðni, hóast eingin samskipari er settur fyri júst tað økið.

Ása Jóhanna Pólsdóttir heitir tó á fólk um kortini at skráseta seg á heimasíðuni ruddaforoyar.fo, soleiðis at Rudda Føroyar átakið fær eitt so neyvt yvirlit sum tilber.

Eftir stóra ruddingardagin í dag fara fólk frá "Rudda Føroyar" átakinum at draga samanum og gera upp, hvussu nógv burturkast er ruddað úr føroysku náttúruni á hesum sinni.

 
Nýggjastu sendingar í ÚV
Mánadag 21. oktober
Við Tórði á túri á Morskranesi
100115
Mánadag 21. oktober
Norðurljóð 21. oktober 2019
99387
Sunnudag 20. oktober
Meg minnist: Egil Hoydal (1:2)
99927
Nýggjastu sendingar í SV
Mánadag 21. oktober
3-2
100128
Sunnudag 20. oktober
Andakt við Heðini Lamhauge
100075
Sunnudag 20. oktober
Heystguðstænasta í Eiðis kirkju
100076
Hósdag 17. oktober
Flaggsigling 2019 1:2
100020
Mánadag 14. oktober
3-2
99875