Dýrari enn ætlað at útbyggja havnarlagið í Havn

25.09.2019 - 09:32
AktueltSamfelag
Dýrari enn ætlað at útbyggja havnarlagið í Havn
Býráðið fer í annaðkvøld at taka støðu til, um slakar 35 milliónir krónur skulu játtast aftrat
Grótbáturin skal flyta meira grót av Glyvursnesi
 

Tað kostar meira enn upprunaliga ætlað at víðka Skansabryggjuna og Eystara havnarøkið í Havn.

Býráðið skal í annaðkvøld avgera, um 34,7 milliónir krónur skulu játtast afturat til arbeiðið. Arbeiðið fer so at kosta 500 milliónir krónur.

Dýrari, tí grótið er sokkið

Býráðið samtykti í 2016 at játta 465 milliónir krónur til at víðka Skansabryggjuna og Eystara havnarøkið.

Av tí, at grótið er sokkið nakað í botninum - hevur sett seg - eru næstan tíggju milliónir krónur meira enn ætlað brúkt til grót.

Sambært dagsskránni fyri býráðsfundin í kvøld, hava nógvar ymiskar óvissur verið millum arbeiðstakaran, J&K Petersen, og arbeiðsánaran, sum er Tórshavnar havn. 

Upprunaliga tilboðið 387 milliónir

Samráðingar hava verið millum partarnar, so tað, sum er eftir at gera, verður gjørt fyri fastan prís, prísvøkstur og lønarvøkstur eru tó undantiknir.

Upprunaliga tilboðið frá J&K Petersen var 387 milliónir krónur. Byggifelagið fær 413 milliónir krónur fyri arbeiðið.

Fyrri parturin av Skansabryggjuni verður latin 22. oktober í ár. Endaliga avhendingin verður 15. mai næsta ár. 

Er kopiera

Sí eisini

Nýggjastu sendingar í ÚV
Mikudag 7. desember
Góðan morgun Føroyar 07. desember 2022
149052
Mikudag 7. desember
Morgunlestur mikudagur 7. desember 2022
148411
Týsdag 6. desember
Framsókn í Tinginum
149004
Týsdag 6. desember
Góðan morgun Føroyar 06. desember 2022
148998
Nýggjastu sendingar í SV
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753
Mánadag 5. desember
Val kring landið - Setrið í Havn
148951