Fleiri túsund vilja halda Føroyar viðlíka

Fleiri túsund vilja halda Føroyar viðlíka
Fleiri túsund útlendingar hava longu skrivað seg upp til 'Closed for Maintenance' átakið næsta ár, sum Visit Faroe Islands skipar fyri
Fleiri enn 4.000 útlendingar hava longu skrivað seg upp til at fáa fráboðan um átakið, Stongt vegna viðlíkahald, í 2020, sum verður 15. til 18. apríl.
Mynd: Savnsmynd  
 
11.11.2019 - 15:55

Stórur áhugi er at vera við í tiltakinum "Closed for Maintenance", ella "Stongt vegna Viðlíkahald", sum Visit Faroe Islands skipaði fyri fyrstu ferð í ár.

Hóast tilmeldingin til tiltakið ikki er byrjað enn, so hava fleiri enn fýra túsund útlendingar skrivað seg upp hjá Visit Faroe Islands at fáa fráboðan um átakið í 2020, sum verður 15. til 18. apríl.

Almenna tilmeldingin byrjar 12. november á heimasíðuni hjá Visit Faroe Islands.

40 føroyingar kunnu vera við
Ætlanin er, at føroyingar í størri mun enn seinast skulu taka lut í arbeiðnum, og tí kunnu teir eisini tekna seg hesaferð.

Pláss verður fyri 40 føroyingum og 100 útlendingum, sum bara skulu rinda sín ferðaseðil og annars fáa goldið uppihaldið.

14 øki
Visit Faroe Islands heitti fyrr í ár á kommunur og kunningarstovur um at senda inn uppskot til verkætlanir, sum tey ynsktu at fáa við í átakið. Nógv góð uppskot komu inn, og heili fjúrtan økir vera við í átakinum næsta ár, millum annað væl vitjaði støð sum Slættaratindur og Kalsoy. 

Í ár vóru tíggju verkætlanir.

Arbeiðsuppgávurnar vera í høvuðsheitum at gera gøtur og seta vegvísarar upp, so tað verður tryggari og lættari hjá bæði føroyingum og útlendskum ferðafólkum at ferðast í Føroyum.

Summar verkætlanir eru framhald av arbeiðinum, ið varð framt í vár.

Tað er Visit Faroe Islands, sum saman við kommununum og kunningarstovum kring landið, skipa fyri tiltakinum.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585