Gera nýggja tilbúgvingarstøð

Mett verður at tað fer at kosta góðar 21,6 milliónir krónur at reka Sands kommunu, og at inntøkurnar verða góðar 25,4 milliónir krónur.

Ein millión av lániskuldini verður afturgoldin í 2020. Kommunan fer at gera íløgur fyri 6,1 millión krónur næsta ár.

Gera nýggja tilbúgvingarstøð

Millum annað eru 2,5 milliónir krónur settar av til nýggju tilbúgvingarstøðina. 1,5 milliónir eru settar av til nýggja útstykking til sethús og 600.000 krónur er settar av til at fyrireika nýggjan barnagarð.

Sands kommuna hevur eisini setta av 500.000 krónur til kloakkir, 400.000 til vegir og 300.000 til havnarøki.

Skattaprosentið er lækkað við 0,25 prosenti, og verður 20,75 prosent. Barnafrádrátturin verður framvegis 8.500 krónur fyri barnið, skrivar Sands kommuna.