Mistøk mugu ikki myrkja fyri Guds kærleika

Frans pávi nevndi ongantíð ítøkiliga, hvat hann meinti við, men sambært fleiri miðlum er lítið at ivast í, at hann hevði mongu málini um kynsliga misnýtslu í katólsku kirkjuni í huga.

Tí týsdagin í farnu viku boðaði Frans pávi frá, at katólska kirkjan hevur broytt mannagongdir, tá tað snýr seg um handfaringina av málum um kynsliga misnýtslu.

Annars var Jesu føðing snúningsdepil í prædiku pávans.

- Jólini eru ein áminning um, at Gud framvegis elskar okkum øll, sjálvt tey verstu okkara, segði hann.

Midnáttarmessan vardi hálvannantíma.

Í dag savnast túsundtals fólk á Pætursplássinum í italska høvuðsstaðnum, tá Frans pávi á svalanum uttanfyri Pæturskirkjuna letur pávaliga vælsignilsi Urbi et Orbi, sum merkir býurin og heimurin.

Hesa heilsan letur hann tvær ferðir árliga, jóladag og páskadag.

Frans pávi er 83 ára gamal og er úr Argentina. 

1,3 milliardir fólk eru katolikkar.