Nú skal Trump fyri ein ríkisrætt

15.01.2020 - 06:49
AktueltÚtheimurin
Nú skal Trump fyri ein ríkisrætt
Ríkisrættarmálið móti amerikanska forsetanum, Donaldi Trump, byrjar væntandi týsdagin í næstu viku
 

Tað segði leiðarin fyri republikanska meirilutanum í Senatinum, Mitch McConnell. Ákærupunktini verða send Senatinum í dag, segði leiðarin fyri umboðsmannatinginum, demokraturin Nancy Pelosi, í gjár.

Senatið virkar sum nevningating í ríkisrættarmálum. Men áðrenn ríkisrættarmálið kann byrja í Senatinum, skal forsetin í hægtarættari, John Roberts, taka senatorarnar í eið fyrst.

 >> SÍ EISINI Frágreiðing: Trump hevur misnýtt embætið

Nancy Pelosi hevur ikki viljað sent Senatinum ákærupunktini, tí hon vil hava vissu fyri, at vitni verða innkallað til Senatið undir ríkisrættarmálinum.

Hon hevur tó onga trygd fingið fyri tí frá Mitch McConnell, sum er leiðari fyri republikanska meirilutanum í Senatinum. Kortini hevur hon nú gjørt av at seta fer á tilgongdina.

Í desember samtykti umboðsmannatingið at reisa ákæru. Trump er ákærdur fyri valdsmisnýtslu og fyri at hava forðað Kongressini í sínum arbeiði.

 >> SÍ EISINI Ákærupunktini í ríkisrættarmálinum móti Trump klár

Donald Trump skal í fjør hava lagt trýst á ukrainska forsetan um at kanna fyrrverandi amerikanska varaforsetan, Joe Biden, og son hansara, Hunter Biden, fyri mutur í sambandi við íløgur í Ukraina.

Joe Biden ætlar at gerast mótvalevni hjá Trump á forsetavalinum seinni í ár. Hóast demokratarnir halda, at Trump er óskikkaður til arbeiðið sum forseti, verður hann helst fríkendur av republikanska meirilutanum í Senatinum.

Limirnir í Senatinum virka sum nevningating í slíkum málum. Umboðsmannatingið skal í dag boða frá, hvørjir limir skulu virka sum ákærar í ríkisrættarmálinum.

 
Nýggjastu sendingar í ÚV
Hósdag 27. februar
Nón 27. februar 2020
105374
Hósdag 27. februar
Mono: Beach Boys (4:5)
105370
Hósdag 27. februar
LEITISSTEIN 24.02.2020 (1t)
105366
Hósdag 27. februar
Dagsins yrking - Millum aldurnar
104578
Nýggjastu sendingar í SV
Mikudag 26. februar
Úr savninum: Ymisk lív
105296
Mánadag 24. februar
Upp á gólv - í Skálanum
105214
Mánadag 24. februar
3-2
105221
Sunnudag 23. februar
Andakt við Carsten Fonsdal Mikkelsen
105169