- Tíðindi, mentan og ítróttur
Pensjónslógin verður broytt
Pensjónslógin verður broytt
Útsett fólkapensjón heldur uppat dagin eftir, at fólkapensjónisturin doyr
![](https://kvf.fo/sites/default/files/styles/grein-ovasta-mynd/public/8fc3c5bde589725f6dca488791d6c250.png?itok=wkQtHGgj)
23.01.2020 - 08:46
Tá fólk, sum hevur útsett fólkapensjónina hjá sær doyr, heldur pensjónin uppat dagin eftir.
Tað var í hvussu so er ætlanin.
Men lógin sigur kortini, at fólk fáa pensjónina í ein mánað eftir, at tey eru deyð.
Hetta verður nú broytt til upprunaligu ætlanina, so útsetta fólkapensjónin heldur uppat dagin eftir, at fólkapensjónisturin doyr.
Fólkapensjónistar, sum útseta pensjónina, fáa onga fólkapensjón, meðan pensjónin er útsett, men størri pensjón seinni.
Lógin verður eisini broytt, so ikki bara kravd eftirlønaruppsparing, men eisini sjálvboðin uppsparing, verður mótroknað í fólkapensjónini.
Uppskotið um at broyta lógina um fólkapensjón kom í løgtingið í gjár.
Nýggjastu sendingar í ÚV
Nýggjastu sendingar í SV