Havvindur kann nøkta eltørvin í heiminum 18 ferðir

29.01.2020 - 14:24
AktueltUmhvørvi
Havvindur kann nøkta eltørvin í heiminum 18 ferðir
Ein nýggj frágreiðing hjá altjóða orkustovninum, IEA, varpar ljós á menningarmøguleikarnar við havvindi
Um bara havøki tætt við land verða nýtt, so er møguligt at nøkta allan eltørvin í heiminum longu í 2040, sigur altjóða orkustovnurin
 

Havvindur kann nøkta eltørvin í heiminum 18 ferðir. Tað sæst í eini frágreiðing, sum altjóða orkustovnurin, IEA, hevur gjørt um vindorku.

Orka frá havvindi vaks við einum triðingi frá 2010 til 2018, men hóast tað, so er langt á mál, tí enn er havvindur ikki meir enn 0,3 prosent av heimsins elorku, vísir stjórin í IEA, Fatih Birol á.

Fleiri vælegnað øki funnin

Hóast tað, so hevur orkustovnurin roknað út, at havvindur kann nøkta eltørvin í heiminum 18 ferðir, stendur í frágreiðingini. Millum annað hevur stovnurin funnið øki kring heimin, har vindmyllur kunnu setast upp

Tí verður ríkiligt av streymi eftir teimum metingunum, sigur norski granskarin, John Olav Tande, sum arbeiðir hjá felagnum, Sintef, sambært norska kringvarpinum, NRK.

Eingin roknar við, at so nógv el skal fáast til vega, sum IEA hevur roknað út, men tað er vert at leggja til merkis, at ES hevur sett sær fyri at ein triðingur av elinum í ES, skal koma frá havvindi í 2050, tí tað er einasti háttur at náa málið um at hitin ikki má hækka meir enn 1,5 stig.

Fleiri viðurskifti mugu kannast fyrst

Í frágreiðingini verða eingi lond nevnd, men IEA sigur, at nógv lond kunnu nøkta sín eltørv við havvindi longu í 2040. Tað er ikki neyðugt at seta vindmyllur á havbonin, tað er nóg mikið at hava vindmyllur á flótandi pallum, verður víst á.

80 prosent av vindinum kann fáast í økjum, har dýpið er millum 60 og 2.000 metrar, vísir IEA á. Um bara havøki tætt við land verða nýtt, so er møguligt at nøkta allan eltørvin í heiminum longu í 2040, sigur stovnurin.

Tað eru kortini fleiri viðurskifti sum mugu kannast, tí ógvusligar atfinningar eru longu ímóti vindmyllulundum sum eru settar upp á sjónum, tí tær órógva bæði fugl og fisk, og skotskir fiskimenn siga beinleiðis, at vindmyllur og fiskiskapur ikki kunnu virka saman.

 
Nýggjastu sendingar í ÚV
Mikudag 25. november
Breddin
116774
Mikudag 25. november
Nón 25. november 2020
116767
Mikudag 25. november
Góðan morgun Føroyar
116746
Mikudag 25. november
Tempo - 241120
116740
Mikudag 25. november
Morgunlesturin mikumorgunin 25. november 2020
116530
Nýggjastu sendingar í SV
Týsdag 24. november
Atlantshavið 3:3 - Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610
Sunnudag 22. november
Fótbóltur: NSÍ - KÍ
116620
Sunnudag 22. november
Møti úr Leirvíkar Missiónshúsi
116617