Koyrdi inn í skrúðgongu

Bilurin koyrdi á børn og vaksin, sum gingu skrúðgongu í sambandi við føstulávintshald. Løgreglan hevur handtikið bilføraran.

Týska blaðið Bild skrivar, at 30 fólk hava fingið skaða, men aðrir miðlar skriva, at í minsta lagi 10 fólk hava fingið skaða, - av teimum fleiri børn. Enn er ógreitt, um talan er um óhapp ella tilætlaða atsókn. 

Sambært lokalum miðlum í býnum Volksmarsen er økið, har tilburðurin fór fram, nú avbyrgt. Eisini heitir týska løgreglan á fólk, sum hava myndir ella sjónbandaupptøkur frá hendingini, um ikki at deila tær á sosialu miðlunum.