Heldur ongin smittaður við korona í gjár

Ongin føroyingur varð staðfestur smittaður við koronasmittu í gjár. Hetta er triði dagurin upp í slag, at ongin eingin persónur er staðfestur smittaður við COVID-19.

Tað upplýsir Heilsumálaráðið í morgun.

Tískil er talið av av smittaðum føroyingum framvegis 184, og harumframt er ongin í løtuni innlagdur vegna COVID-19 virusið.

109 fólk vórðu kannaði fyri korona í gjár, og samanlagt eru nú 5.408 fólk kannað.

145 fólk eru nú vorðin staðfest frísk. Í gjár var talið 136.

Heilsumálaráðið sigur í morgun, at eftir ætlan verða fáar kanningar gjørdar í dag, langa fríggjadag. Tí vera næstu kanningarúrslitini almannakunngjørd sunnudagin, páskadag.