Ferðin hjá Team Rynkeby avlýst

Ferðin hjá Team Rynkeby avlýst
Ferðin hjá teimum 63 fólkunum, ið skuldu fara úr Føroyum til París í summar, verður av ongum
Ferðin hjá Team Rynkeby til París í summar er avlýst. Sostatt fara føroysku súkklarnir heldur ongan veg
 
18.04.2020 - 15:53

Ferðin hjá Team Rynkeby-súkklarunum til París í summar er avlýst. Tað avgjørdi stýrið fyri Team Rynkeby-grunnin seinnapartin í gjár, skrivar føroyski parturin hjá felagsskapinum á heimasíðuni.

Okkara høvuðsdentur hevur alla tíðina verið, at gjøgnumføra ferðina, um tað heilsuliga var ráðiligt, sigur Peter Frank Andersen, nevndarformaður í Team Rynkeby-grunninum.

Áhaldandi ótryggleikin um smittuspjaðing í Evropa ger, at vit ikki longur halda, at tað er ráðiligt, at fara til París í summar, sigur hann, sambært heimasíðuni hjá felagsskapinum.

63 fólk skuldu fara úr Føroyum

Eftir ætlanini skuldu tilsamans 2.150 súkklarar og 550 hjálparfólk úr 12 londum súkkla til París í døgunum frá 2. til 11. juli í summar.

Tilsamans 50 súkklarar og 13 hjálparfólk skuldu eisini fara við ferðalagnum úr Føroyum í summar, men hetta verður sostatt eisini av ongum nú.

Team Rynkeby hevur súkklað úr Danmark til París hvørt ár síðani 2002, og føroyingar hava verið við á ferðini síðani 2014.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585