Útlendingar skulu gjalda kapitalvinningsskatt

Útlendingar, sum fáa vinning burtur úr at selja til dømis føroysk partabrøv, skulu nú gjalda skatt av vinninginum í Føroyum.

Fíggjarnevndin tekur undir við uppskotinum hjá landsstýrinum um at skatta kapitalvinning hjá útlendingum, sum búgva í øðrum landi.

Hetta er tó ikki galdandi fyri tey lond, sum Føroyar hava tvískattaavtalu við.

Tey, sum búgva í teimum londunum, gjalda skatt í heimlandinum.

Føroyar hava tvískattaavtalu við Norðurlondini, Bretland, India og Sveis. 

Eingin veit, sigur Fíggjarnevndin, hví útlendingar ikki verða kravdir eftir kapitalsvinningskatti í Føroyum.

Helst er talan um ein feil, sum við hesum uppskoti verður rættaður, sigur nevndin.