Lítið av toski á landgrunninum

26.08.2020 - 10:48
AktueltVinna
Lítið av toski á landgrunninum
Magnus Heinason hevur gjørt yvirlitstrolingar, og 200 hál vórðu gjørd
Magnus Heinason hevur gjørt yvirlitstrolingar undir Føroyum
 

Lítið av toski er á landgrunninum.

Tað vísa yvirlitstrolingarnar sum Magnus Heinason hevur gjørt. Hann er júst liðugur við kanningarnar, har 200 hál vórðu tikin, skrivar Havstovan á heimasíðuni.

Sambært stovnsmetingunum vóru nøgdirnar av toski søguliga smáar í tíðarskeiðnum frá 2004 til 2017.

Meira til undir landi

Í 2018 var toskurin komin fyri seg aftur, men nýggjastu yvirlitstrolingarnar benda á, at tað í ár aftur er sera lítið til av toski á føroyska landgrunninum. 

Tað tykist vera nakað av toski nær landi, har rannsóknarskipið ikki fær roynt, og tí kann veruliga nøgdin av toski vera nakað størri, enn yvirlitstrolingarnar vísa. 

Bæði toskur og tann størra hýsan vóru sera illa í holdum. Hetta sást aftur í magakanningunum, har nærum einki varð etið av nebbasild.

Eisini var minni etið av hvítingsbróðri og krabbadýrum á botni. 

Frægari á djúpum vatni

Úti á djúpum vatni var tó nógv til av smáum svartkjafti, og har var toskurin væl fyri. Tað var framvegis nakað at fáa av hýsu, hóast tað var minni enn í fjør. 

Nógv var at fáa av hvítingi, gulllaksi og blálongu, skrivar Havstovan.

 
Nýggjastu sendingar í ÚV
Leygardag 27. februar
Morgunlesturin leygarmorgunin 27. februar 2021
120517
Fríggjadag 26. februar
Nón 26. februar 2021
120868
Fríggjadag 26. februar
Morgunlesturin fríggjamorgunin 26. februar 2021
120516
Fríggjadag 26. februar
Søgan um Black Birds (2:2)
120835
Hósdag 25. februar
RagnarRokk 25.februar 2021
120620
Nýggjastu sendingar í SV
Fríggjadag 26. februar
Lyst 39
120766
Hósdag 25. februar
Pólsk sending: Saman í frástøðu
120802
Mikudag 24. februar
Fiskivinnukjak í Klaksvík
120790
Týsdag 23. februar
Jørðin II (6:6) - Býir
120719