KT-trygdin í Føroyum er ikki nóg góð

27.08.2020 - 10:18
AktueltTøkni
KT-trygdin í Føroyum er ikki nóg góð
Tað er ikki nóg gott, at aðalráðini ikki svara, tá tey verða spurd um KT-trygd, sigur Landsgrannskoðanin í hvassorðaðari frágreiðing
Landsgrannskoðanin sigur, nógvir stovnar, sum hava serliga týdningarmiklar dátur, vita ikki nóg nógv um KT-trygd
 

Niðurstøðan er tann sama sum fyri seks árum síðani: støðan á KT-trygdarøkinum í Føroyum er ikki nóg goð.

Tað sigur Landsgrannskoðanin í eini hvassorðari frágreiðing.

Eitt rundskriv um KT-trygd kom síðst í apríl í fjør.

Fíggjarmálaráðið bað á heysti í fjør stjórnarráðini um at gera støðulýsing um KT-trygdina hjá almennu stovnunum. Í støðulýsingini um KT-trygd skuldu stovnarnir svara átta spurningum.

Svaraðu ikki

Stjórnarráðini og stovnar teirra svaraðu ikki, fyrr enn nógvar mánaðir eftir, at freistin at svara var farin. Hetta eru millum annað stovnar, sum hava týðandi dátur.

Teir svaraðu heldur ikki, tá Fíggjarmálaráðið rykti eftir svari. Og nógvir svaraðu ikki yvirhøvur. 

Tað heldur Landsgrannskoðanin als ikki er nóg gott. 

Landsgrannskoðanin hevur lisið svarini frá stovnunum.

Vita ikki nóg væl

Niðurstøðan er, at nógvir stovnar, og fleiri teirra, sum hava serliga týdningarmiklar dátur, vita ikki nóg nógv um grundleggjandi hugtøkini í KT-trygd.

Bara fimti hvør stovnur hevur eina tilbúgvingarætlan í sambandi við KT-trygd.

Landsgrannskoðanin sigur, at hóast KT landsins umsitur KT-økið, kunnu stjórnarráð og stovnar ikki siga ábyrgdina frá sær við at vísa til KT landsins. 

Stovnarnir hava fulla ábyrgd av dátunum, teir arbeiða við. 

Álvarsom støða

Tað tykist ikki sum at tann boðskapurin er grundfest vitan hjá stovnsleiðslunum, sigur Landsgrannskoðanin í niðurstøðu síni.

Landsgrannskoðanin sigur, at tað er álvarsamt, at stovnar við serliga týðandi upplýsingum hava so trupult við at svara aðalráðnum, hvussu trygdarstøðan er.

Landsgrannskoðanin heldur, at spurningurin er, um allir landsins stovnar eru førir fyri at umsita sínar dátur, og um avvarðandi aðalráð tí kunnu hava álit á, at KT-tilfeingið hjá landinum er í tryggum hondum.

Er kopiera

Sí eisini

03.12.18
88511
03.03.18
78217
Nýggjastu sendingar í ÚV
Fríggjadag 22. oktober
Nón 22. oktober 2021
130273
Fríggjadag 22. oktober
Góðan morgun Føroyar 22.10.2021
130243
Fríggjadag 22. oktober
Breddin
130242
Fríggjadag 22. oktober
Morgunlestur fríggjadagur 22.oktober 2021
130229
Nýggjastu sendingar í SV
Fríggjadag 22. oktober
í Luftini við Daniu O. Tausen
130270
Hósdag 21. oktober
Hin gloymda oyggin - seinni partur
130217
Týsdag 19. oktober
VIDEO: LFB byggir ein dronubil
130041
Mánadag 18. oktober
3-2
130065