ES og Kina toppfund um handil og Ukraina

ES og Kina viðgera handilsviðurskifti og kríggið í Ukraina á toppfundi.

ES-nevndarforkvinnan, Ursula von der Leyen, og ES-forsetin, Antonio Costa, hava í morgun hitt kinesiska forsetan, Xi Jinping.

Tað skrivar AFP-tíðindastovan sambært Ritzau.

Toppfundurin fer serliga at varpa ljós á handilsviðurskifti, kinesiskar vørur og kríggið í Ukraina.

Eftir fyrsta fundin, sigur ES-forsetin, Antiono Costa, at Kina skal gera sína ávirkan galdandi í Russlandi og fáa ein enda á krígnum í Ukraina.

- Sum fastur limur í trygdarráðnum hjá ST, mæla vit Kina til at brúka sína ávirkan at fáa Russland at virða ST-sáttmálan og enda kríggið móti Ukraina, segði hann sambært AFP.

Russland er eisini fastur limur í ST-trygdarráðnum.