Grønlendingar fáa eisini nýtt havrannsóknarskip

Grønlendingar fáa nýtt havrannsóknarskip í vár. 

Skipið verður smíðað í Spania, og hevur nógva framkomna útgerð, so at granskarar sleppa niður á djúpri vatn at kanna og granska.

Skipið kann gera fleiri sløg av eftirlitstrolingum og granskingaruppgávum, enn verandi havrannsóknarskipið, Paamiut. 

Tað kann fiska við botntroli eftir rækju, kalva og toski, og við uppsjóvartroli eftir eitt nú makreli. 

Skipið hevur søkkkjøl og aukustiska útgerð til eitt nú lodnukanningar og aðrar uppsjóvarkanningar.

Havrannsóknarskipið er 61 metrar langt, og er eisini ísstyrkt.

Norska felagið, Skipsteknisk, hevur teknað skipið, og grønlendska sjálvstýrið og Aage V. Jensens Grunnarnir fíggja skipið, sum kostar 235 milliónir krónur.