Suðuroyggin kann vera grøn

Um stutta tíð kann meginparturin av elnýtsluni í Suðuroynni verða framleiddur úr grønari orku.

Tí nú eru allar sjey vindmyllurnar í porkerishaganum komnar upp. Talan er um sjey vindmyllur uppá 900 kilowatt hvør. 

Vindmyllurnar skulu roynast í oktober og gerast partur av el-framleiðsluni í november. Tá vindmyllurnar eru farnar at framleiða inn á el-netið, er saman við vantorkuni, nóg mikið av grønari orku á el-netinum í Suðuroynni til samlaðu nýtsluna í oynni. Kortini er neyðugt at hava el-verkið í Vági á netinum, fyri at tryggja støðuga orkuframleiðslu.

Tað er týska fyritøkan Enercon, ið hevur selt SEV myllurnar, og tað er sama fyritøka, ið hevur staðið fyri arbeiðinum at seta tær upp.